"Penguins of Madagascar" - Më të mirët e më të mirëve!

Agjentët sekrete rikthehen përsëri...Zbuloni sekretet e zogjve më karizmatikë në botë nën mision të përfshirë në spiunazhin global, këtë herë me aventura të reja. Më të mirët e më të mirëve: Skipper, Kowalski, Rico dhe Private bashkojnë forcat me organizatën sekrete “The North Wind”, e drejtuar nga një Haski shumë tërheqës, agjent i klasifikuar ( ne mund t’jua tregojmë emrin e tij, por pastaj… e keni parasysh vetë ju), i dubluar nga Benedict Cumberbatch, i cili i përshtatet më së miri rolit edhe pse ai fjalën “Penguins” e shqipton “Penwings” . Së bashku ata duhet të ndalojnë Oktapodin e keq Dr. Octavius Brine, i dubluar nga John Malkovich, i cili synon të shkatërrojë botën, siç të gjithë e dimë.

Në “Penguins of Madagacar” , të katërt personazhet kryesorë janë argëtues, karizmatikë dhe të adhurueshëm. Kjo është gjithçka që duhet për heronj të tillë në një komedi të animuar . Plot aventura dhe momente gazmore nga fillimi deri në fund, ky është pa dyshim filmi i duhur familjar dhe ndër më të mirët në botë për momentin.

Filmi tashmë po shfaqet në sallat e Cineplexx Albania duke thyer rekord në shitjen e biletave.

Prapaskenat e "Penguins Of Madagascar":