Në mes të një tregu të zhurmshëm, në një pazar skllevërish, pirati Conrad bie në dashuri me shikim të parë me të bukurën Medora. Conrad rrëmben Medorën kur Lanquedem vendos ta shesë atë tek Pasha.

Baptista lufton për të martuar vajzën e tij të rrëmbyeshme Katharina, një kryeneçe e cila mohon çdo mashkull që mund të jetë partneri i saj. Megjithatë, kur ajo takohet me Petruchio, i cili është i të njëjtit temperament si ajo, mes tyre ndodh një përplasje e papritur e shpërthyese.

Teksa ora shënon 12 në prag të Krishtlindjeve, arrëthyesi i drunjtë i Marie ngjallet dhe transformet në një princ! Shumë shpejt, teksa i bashkohen lodrat e tjera të ngjallura, Marie dhe princi i saj nisen në një aventurë ëndërrimtare të paharrueshme.

Në Verona, Romeo dhe Zhuljeta bien cmendurisht në dashuri me njëri-tjetrin, teksa familjet e tyre, përkatësisht Montagët dhe Kapuletët gjenden në një rivalitet të hidhur, i cili përfundon në një tragjedi.

Teksa ai mbërrin në Paris për herë të parë, i riu dhe naivi Armand është tërësisht i mahnitur pas takimit me magjepsësen dhe më të dëshiruaren kurtizane Marguerite Gautier. Takimi i tyre ndez një dashuri pasionante, por prapëseprapë të destinuar për të përfunduar keq.

Në epokën e Revolucionit Francez, Jeanne dhe vëllai i saj Jérôme largohen nga Marseja drejt Parisit, në mbështetje të lëvizjeve revolucionare që kanë zaptuar kryeqytetin. Gjatë luftimit për liri, që të dy ata njohin dashurinë.

Kur Giselle zbulon se i dashuri i saj Albrecht i është premtuar një tjetër gruaje, ajo vdes në duart e tij zemërthyer. Teksa Albrecht vajton ajo ringjallet si një “Wili”, një shpirt hakmarrës i destinuar për t’i bërë burrat jo besnikë të kërcejnë deri në vdekje.

Swanhilda vëren se i fejuari i saj Franz është dashuruar me të bukurën Coppélia, e cila lexon çdo ditë në ballkonin e saj. Pothuajse duke i ndarë dy të dashuruarit, rezulton se Coppélia nuk është ajo që hiqet e Swanhilda vendos t’i japë një mësim Franzit.